صارف کا بل نئے کنکشن کا طریقہ کار نئے کنکشن میرٹ لسٹ لوڈ مینیجمنٹ شیڈول استفسارات ٹینڈر کمپنی دفاتر صحت، حفاظت اور ماحولیات
banner

بورڈ آف ڈائریکٹرز

Profile-Image

محترمہ روحی آر خان

چیئر پرسن/ ڈائریکٹر

متحرمہ روحی رئیس خان انسٹیٹوٹ آف بز نس ایڈ مینیسٹریشن کراچی سے MBA کی حامل ہیں۔ آپ نے BA (معاشیات اور ریاضی) پنجاب یونیورسٹی سے مکمل کیا۔ آپ بنکاری کے مختلف شعبوں جیسے کہ Development Banking, Lease Financing, Housing Finance, SME Financing, Islamic Banking, Investment Banking وغیرہ میں پنیتیس (35) سا ل سے زیادہ تجربہ کی حامل ہیں۔ آپ مختلف ما لیا تی اداروں میں اعلی انتظامی عہدوں کےعلاوہ بطورچیف ایگزیکٹو، چیف آپریٹنگ آفیسر اور ڈائریکٹر، پالیسی سازی، سٹریٹیجک پلا ننگ، انتظامی اصلا ح، جانچ پٹرتال کے طر یقہ کار کے نفاذ، تعمیراورتنظیم نواوراداروں کے انضمام کا پندرہ (15) سال سے زیادہ کا تجر بہ رکھتی ہیں۔ آپ بین الا قوامی قرض خواہ اداروں جیسے کہ عا لمی بنک، ایشیائی ترقیاتی بنک، اسلامی ترقیاتی بنک اوردوسرے کثیرا لجہتی اداروں کے ساتھ معا ملات طے کرنے کا تجربہ رکھتی ہیں۔ آپ نیشنل ڈویلپمنٹ فنانس کارپوریشن(NDFC) کی نما ئند گی کر تے ہو ئے مالیاتی شعبےکوقرض کی فراہمی کے لیے ایشیائی ترقیاتی بنک سے کا میاب مذاکرات کرچکی ہیں۔ آپAsian Leasing ، لاہورسٹاک ایکسچینج، International Housing Finance Limited, مشرق بنک (Samba Bank)، PICIC اورSafe Way Mutual Fund کے بورڈ ز پر کام کر چکی ہیں۔ آپ ایک سرمایہ کاری بنک کے مقامی تجارتی ادارے کے ساتھ انضمام سے قبل اس میں بطور چیئرپرسن کام کر چکی ہیں۔ آپ متعدد تنظیموں میں اعلی انتظامی عہدوں پر کام کر چکی ہیں۔
آپ National Development Finance Corporationمیں بطور گروپ ہیڈ ٹیکسٹائلز، Asian Leasingمیں بطورچیف ایگزیکٹوآفیسر،Trust Investment Bankاورزرعی ترقیاتی بینک لیمیٹڈ میں بطور چیف آپریٹنگ آفیسرفرائض سرانجام دے چکی ہیں۔ آپ 2011-12 میں زرعی ترقیاتی بنک کی قائم مقام صدر کے طور پر بھی کام کر چکی ہیں جہاں آپ نے ادارے کی منافع بخشی پرمثبت اثرات ڈالنے والی متعدد تبدیلیاں لانے میں کلیدی کردار ادا کیا۔
آپ پچھلے تیس (30) سال سے معاشرے کے پسے ہوئے اور محروم طبقات کی بہتری کے لیے کام کرنے والے اداروں کے لیے اپنا وقت وقف کرتی رہی ہیں اور صحت، تعلیم اور سب کے لیے یکساں مواقع کی فراہمی جیسے بنیادی حقوق کی فراہمی سے محروم افراد کے حالات زندگی کو بہتر کرنے کی سرگرم حامی ہیں۔

MD

جناب عامر طفیل

چیف ایگزیکٹو/مینیجنگ ڈائریکٹر

جناب عامر طفیل، مینیجنگ ڈائریکٹر سوئی ناردرن گیس پائپ لائنز لمیٹیڈ، پشیے کے لحاظ سے چارٹرڈاکاونٹینٹ اور انسٹیٹیوٹ آف چارٹرڈاکا ؤ نٹینٹس آف پاکستان کے رکن ہیں۔ آپ نے2004 میں SNGPL میں شمولیت اختیار کی اور ڈپٹی منیجنگ ڈائریکٹرسمیت متعدد کلیدی انتظا می عہدوں پر فائز رہے۔ SNGPL میں شمو لیت سے قبل آپ اندرون اور بیرون ملک، ملکی وبین الاقوامی تنظیموں اور مالیاتی اداروں کے مختلف شعبوں میں 27 سالہ و سیع تجربہ کے حامل ہیں۔

Profile-Image

جناب احمد عقیل

ڈائریکٹر

مینجنگ ڈائریکٹر ، شیخ فیولز، جناب احمد عقیل اس وقت نشاط پاور لمیٹڈ ، سٹی بلڈرز ،سٹی سی این جی اور شیخ سی این جی کے ڈائریکٹر ہیں. انہوں نے ڈائریکٹرجناب احمد عقیل ( مینجنگ ڈائریکٹر شیخ فیولز) حال میں شیخ اور سٹی سی این جی سٹی بلڈرز اور نشاط پاور لیمیٹڈ کے بھی ڈائریکٹر ہیں۔ سوئی نادرن کے بورڈ کے لیے آپ کی طویل خدمات ہیں۔ اور آپ بورڈ کمیٹیوں کے فعال رکن ہیں۔ آپ ایوان صنعت و تجارت لاہور اور انجمن پاک قطر تجارتی کونسل کے رکن ہیں۔ آپ راوین ہونے کے ساتھ ساتھ پاکستان کالج آف لاء سے قانون کی ڈگری کے حامل PICG سے سند یافتہ ڈائر یکٹر (DIRECTOR) ہیں۔

Profile-Image

جناب حمایت اللہ خان

ڈائریکٹر

جناب حمایت اللہ خان وزیر اعلیٰ خیبر پختو نخواہ کے مشیر /وزیر برائے توانائی اور بجلی ہیں۔ اپنے 34 سالہ کیرئیر کے دوران آپ نے وفاقی اور صوبائی حکومتوں کے ساتھ کلیدی عہدوں پر کام کیا اور پالیسی سازی اور اس پر عمل درآمد کا حصہ رہے۔ آپ سٹریٹییجک پلا ننگ، تنظیمی معاملات، بڑے پیمانے پر ٹیم کی راہنمائی /سربراہی اور سرکاری وغیرسرکاری اور ترقیاتی شراکت داروں کے ساتھ کام کا متنوع تجر بہ رکھتے ہیں۔ جناب حمایت اللہ خان ممبر نیپرا(NEPRA)، صدر پاکستان کے سیکرٹری، سپیشل سیکرٹری وزارت پانی اور بجلی، چیف ایگز یکٹو سینٹرل پاور پرچیز ایجنسی (CPPA)، ایڈیشنل سیکرٹری معاشی امورڈویژن، سینئرجوائنٹ سیکرٹری (بیرونی تجارت) وزارت کامرس، Chief Negotiator افغانستان پاکستان ٹراٹزٹ ٹریڈ معاہدہ 2010، ڈائر یکٹر جنرل (بین الاقوامی تعلقات) آڈ یٹر جنرل پاکستان، اکاوئنٹ جنرل خیبر پختو نخواہ، جوائنٹ سیکرٹری کابینہ، مشترکہ مفادات کونسل اور سیکرٹریز کمیٹی، ڈائر یکٹرجنرل ڈسٹرکٹ گورنمنٹ آڈٹ پنجاب، سیکرٹری واپڈالاہور وغیرہ کے طور پر کام کرچکے ہیں۔ 1410 میگاواٹ کے تر بیلا IV آبی توانائی منصوبہ کے لیے عالمی بنک سے 840 ملین ڈالر قرض کے لیے کامیاب مذاکرات آپ کارہائے نمایاں میں شامل ہیں۔ آپ2002-08 تک عالمی فنڈ برائے تحفظ قدرتی ماحول (WWF) کے بورڈ آف گورنرز کے ممبر، 1997-98 تک IUCN ممبران کی پاکستان نیشنل کو نسل کی ایگز یگٹو کمیٹی کے نائب صدر، اور نیشنل انسٹیٹیوٹ آف مینیجمنٹ کراچی اور لاہور میں اعزازی فیکلٹی کا حصہ بھی رہ چکے ہیں۔

Profile-Image

جناب منظور احمد

ڈائریکٹر

جناب منظور احمد سوئی نادرن کے بورڈ کیلیے بطور ڈائریکٹر (DIRECTOR ) انتخاب میں کامیاب ہوے۔ آپ نظامت اثاثہ جات میں پاکستان کی سب سے بڑی کمپنی قومی سرمایہ کاری وقف (NIT ) کے چیف آپریٹنگ آفیسر CIOہیں جو کہ 80ارب روپے سے زائد کی سرمایہ کاری کا انتظام سنبھالے ہوے ہیں۔ آپ میوچل فنڈ انڈسٹری میں 24 سال سے زائد کا تجربہ رکھتے ہیں آپ MBA کی ڈگرٰی کے ساتھ AIBPمیں ڈپلومہ رکھتے ہیں CFA کے لیول III کے طالب علم ہیں آپ متعدد مقامی اور بین الاقوامی تربیتی کورسز میں شرکت کر چکے ہیں آپ پاکستان کی کئی معروف قومی و الاقوامی اداروں بورڈ پر بطور نامزد ڈائریکٹر (Director NIT) کی نمائندگی کر رہے ہیں۔آپ PICG سے سند یا فتہ ڈائریکٹر (Director) ہیں۔

Profile-Image

جناب مرزا محمود احمد

ڈائریکٹر

جناب مرزا محمود احمد سوئی ناردرن، سوئی سدرن، PECO اور عارف حبیب انوسٹمنٹ لیمیٹد کے بورڈز پر بطور ڈائریکٹر (Director) فائز ہیں۔ آپ منٹوومرزا ایڈوکیٹس و سولیسٹرز کے شراکت دار ہیں۔ آپ پاکستان سپریم کورٹ بارایسوسی ایشن اور پاکستان بارکونسل کے رکن ہونے کے ساتھ کیمرج دولت مشترکہ سوسائٹی کے فیلورکن بھی ہیں۔ آپ اپنے متنوع قانونی تجربے کے ساتھ متعدد معروف سرکاری و نجی اداروں بشمول بینک و مالیاتی اداروں کی نمائیندگی کر چکے ہیں۔ آپ کے اعزاز پر کئی تحقیقی منصوبہ جات اور مقالات کی طباعت شامل ہے۔ آپ جامعہ پنجاب لاہور سے LLB اور بر طانیہ کی جامعہ کیمرج سے LLM کی ڈگریوں کے ساتھ فارغ التحصیل ہیں۔

Profile-Image

جناب محمد ایوب چودہری

ڈائریکٹر

جناب محمد ایوب چوہدری حال میں وزارت توانائی (پیٹرو لیم ڈویژ ن) میں ایڈ یشنل سیکرٹری تعینات ہیں۔ آپ قومی اداروں میں خدمات کا 22 سال سے زیادہ تجربہ رکھتے ہیں۔ آپ وفاقی اور صوبائی حکو متوں میں اہم عہدوں پر کام کر چکے ہیں۔ آپ کی گزشتہ ذمہ داریوں میں ایڈیشنل سیکرٹری نیشنل فوڈ سکیورٹی اور ریسرچ اسلام آباد، چیئرمین پاکستان ایگری کلچر ریسرچ کونسل (PARC)، سیکرٹری امور نوجوانان، کھیل، آثارقدیمہ اورسیاحت، حکومت پنجاب، ایڈیشنل سیکر ٹری وفاقی تعلیم اور پیشہ ورانہ تربیت، اسلام آباد، سینئر جوائنٹ سیکرٹری (کیر ئیر پلا ننگ) اسٹیبلشمنٹ ڈویژن اسلام آباد، جوائنٹ سیکرٹری (امیگریشن واسٹیبلشمنٹ) وزارت برائے سمندر پار پاکستانی وترقی انسانی وسائل، جوائنٹ سیکر ٹری (کمیٹیز) قومی اسمبلی سیکرٹریٹ، ڈائریکٹر ایڈمینسٹریشن فنانس، پنجاب ہاوسنگ اینڈ ٹاون پلا ننگ ایجنسی(PHATA) اور جنرل مینجر(آپریشنز)، کا رپوریشن برائے فروغ سیاحت پنجاب(TDCP) شامل ہیں۔ آ پ ایشیائی ترقیاتی بنک کے ساتھ بطورکنسکٹنٹ پروجیکٹ ڈویلپمنٹ سپیشلسٹ اور پروکیورمنٹ سپیشلسٹ بھی کام کر چکے ہیں۔
جناب محمد ایوب چوہدری نوٹنگھم یو ینورسٹی برطا نیہ سے بین الاقوامی بنکاری اور معاشی قانون میںLLM اور قائداعظم یونیورسٹی اسلام آباد سے بین الاقوامی تعلقات میں M. Sc ڈگری کے حامل ہیں۔ آپ دفتری امور اور ذمہ داریوں کے سلسلے میں متعدد بار بیرون ملک سفر بھی کر چکے ہیں۔
آ پ سو ئی ناردرن گیس پائپ لا ئنز لمیٹیڈ (SNGPL) اور پاک عرب ریفا ئیزی لمیٹیڈ (PARCO)کےبورڈزپرڈائریکٹرہیں۔

Profile-Image

جناب مصطفٰی احمد خان

ڈائریکٹر

جناب مصطفٰی احمد خان شعبہ قدرتی گیس میں عرصہ 36 سال مختلف اعلٰی عہدوں پر فائز رہےاور سوئی ناردرن کی ترقی میں اہم کردار ادا کیا۔ جناب مصطفیٰ احمد خان شعبہ سیلز، پروکیورمینٹ، قانون اور انسانی وسائل کے شعبوں میں مہارت رکھتے ہیں۔ آپ IBA کراچی سے MBAکی ڈگری کے ساتھ فارغ التحصیل ہیں۔ فی الوقت آپ ایک ہزار ایکڑ خاندانی زمین کے انتظام و انصرام، واقع میرپورخاص، سندھ، میں مصروف عمل ہیں۔

Profile-Image

جناب ساجد محمود قاضی

ڈائریکٹر

جناب ساجد محمود قا ضی، جو ائنٹ سیکر ٹری وزات توانائی، پیٹرولیم ڈریژن نے 1985میں سول سروس اختیا ر کرنے کے بعد آفس مینجمنٹ گروپ میں شمولیت اختیار کی۔ آپ معاشی امور، کامرس اورٹیکسٹائل اورانسداد منشیات کی وزارتوں میں کام کاتجربہ رکھتے ہیں۔ بطور ایڈ یشنل رجسٹرار سپریم کورٹ آف پاکستان، آپ نے اعلیٰ عدلیہ کے سوموٹو استحقاق کے عمل درآمد کو ہموار کرنے کے لیے انسانی حقوق سیل کے قیام میں اہم کردار ادا کیا۔ 1999سے 2005 کے دوران نیب ٹیم کے بنیادی رکن کی حیثیت سے آپ نے انسداد کر پشن حکمت عملی کی تشکیل اور عمل درآمد میں اپنا کردارادا کیا۔ آپ نے مانچسٹر میں پاکستانی سفارت خانے میں بطور کمیو نٹی افیئرز کے کونسلر بھی فرائض سرانجام دیئے۔ وزارت پٹیرولیم کا حصہ بننے سے قبل آپ اوورسیز پاکستانیز فاونڈیشن میں بطور ڈائر یکٹرجنرل تعینات تھے۔ جناب ساجد محمود قاضی معا شیات، Public Administration اور قانون کے مضامین میں خاص دلچسپی رکھتے ہیں۔ آپ نے بطور Chevening Scholar واروخ یو نیورسٹی سے LLMکی تعلیم حاصل کی۔ آپ عصری تاریخ کے قاری ہیں اور فراغت کے لمحات Hiking اور قدرت کی عکس بندی میں صرف کرتے ہیں۔

Profile-Image

جناب نوید کامران بلوچ

ڈائریکٹر

جناب نوید کامران بلوچ، سیکرٹری فنانس ڈویژن، 19 جون 2019 سے سوئی نادرن گیس پائپ لائنز لمیٹیڈ کے بورڈ پر بطور نامزدڈائریکٹر کام کررہے ہیں۔ آپ لندن سکول آف اکنامکس سے ترقی پزیر ممالک میں سماجی پالیسی اور پلاننگ میںMSC ڈگری کے حامل ہیں۔ آپ پاکستان انسٹیٹیوٹ آف کارپوریٹ گورننس سے تصدیق یافتہ ڈائریکٹر ہیں۔ جناب نوید کامران بلوچ نے 1985میں سول سروس آف پاکستان میں شمولیت اختیار کی۔ آپPublic Sector Management ، انتظامیہ، مالیات، عدلیہ، صحت، انشورنس اور پلا ننگ کے شعبوں میں اعلیٰ انتظامی عہدوں پر کام کا وسیع تجربہ رکھتے ہیں۔ جناب نوید کامران بلوچ بطورسیکرٹری کیبنٹ ڈویژن اور چیف سیکرٹری خیبر پختونخواہ بھی خد مات سر انجام دے چکے ہیں۔ آپ وزارت برائے نیشنل ہیلتھ سروسز، ریگولیشن اور کوآرڈینیشن میں وفاقی سیکرٹری تعینات رہے۔ آ پ نے Country Coordinating Mechanism کے چیئر مین کے طور پر بھی خدمات سر انجام دیں۔ آپ اسٹیٹ لائف انشورنس کارپوریشن آف پاکستان کے چئیرمین کے عہدے پر بھی تعینات رہے۔ جناب نوید کامرن بلوچ کثیر تعداد میں مقامی اور بین الاقوامی پیشہ ورانہ تربیتی کورسز، ور کشاپس، سیمینار اور کانفرنسوں میں شریک رہے۔ آپ PIACLبورڈ کی فنانس کمیٹی کے Ex-Officio چیئرمین ہیں۔

Profile-Image

ڈاکٹر سہیل آر خان

ڈائریکٹر

 

Profile-Image

شبیر حسین ہاشمی

ڈائریکٹر

 

یوسف نسیم کھوکھر

ڈائریکٹر

 

تجدید کردہ: 02-06-2020